এদিন নৈৰ পাৰলৈ
ৰঙা-নীলা ৰঙবোৰৰ সতে লুকাভাকু খেলিবলৈ,
আহিবাচোন-
এদিন ধাননি ডৰাৰ মাজলৈ
চৰাই আৰু সেউজীয়াৰ
মন পৰশা গান-নাচ উপভোগ কৰিবলৈ,
আহিবাচোন -
এদিন বুকুৰ দুখৰ জুপুৰি ঘৰটিলৈ
ভালপোৱাৰ এজোলোঙা সুখ ছটিয়াবলৈ,
আহিবাচোন-
এদিন বান বিধ্বস্ত পথাৰ সদৃশ হৃদয়খনৰ কাষলৈ
শাওণৰ পথাৰৰ ৰোৱনি হৈ
এমুঠি জোনাকী সপোন ৰুবলৈ।
সঁচাকৈ আহিবাচোন
এদিন নিৰ্জনতাৰে ভৰা
জীৱনৰ চোতালাত পাতিম
ৰৌদ্ৰোজ্জল মৰমৰ জোনাকী মেলা।
কবি-বিতু বুঢ়াগোঁহাই
দুলীয়াজান, নিপ্কো
ভাল লাগিল
ReplyDelete