মোৰ মন আজি কিয় অথিৰ-অবিৰ
অগ্নিৰ শিখা ঢালি কোন গ'ল
চকুৰ পতাত আবেগ সিঁচি
কোন নো আতৰি গ'ল
নাওখনৰ বঠাপাত কাঢ়ি লৈ গ' ল ।
কোন তুমি ৰ'দালি ...
তুমি কোৱা...ৰ' দালি কোৱা৷
সোণোৱালী পথাৰত সোণগুটি সিঁচি
কোন তুমি?
কাঁইটেৰে দুহাত বাকুহি
কিয় গুচি গ'লা আবেলি...
মনৰ মায়া-ছাঁয়া হৈ কোন তুমি ?
নৈ গৰাত নাও বান্ধি
ৰ'লা কিয় থমকি ।
হিয়াখন কঁপি কঁপি উঠিল
মন জহি খহি হেঙুলীয়া ৰ'দালিৰ সতে আতৰি গ'ল ।
হেঙুলীয়া ৰ'দালি৷
পানীৰ সোঁতত ঢৌৰ লগত উটিলে
স্মৃতিৰ দোমোজা ভেদি
হেঙুলীয়া ৰ'দালি
সৰি ৰ'ল আবেলি ৷
📝ৰুমী কলিতা দত্ত
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ