কৃষিভিত্তিক লোক উৎসৱ বাইখো (অন্তিম খণ্ড)

( যোৱা সংখ্যাৰ পিছৰ পৰা )

ছাথাৰ গীত গাওঁতে ডেকা-গাভৰুৱে পৰস্পৰে পৰস্পৰক হাতত, কঁকালত , ধৰি উদ্দাম নৃত্য কৰে | সাধাৰণতে ৰাতি ভাগত এই নৃত্য গীতবোৰ অনুষ্ঠিত কৰা হয়  |

     প্ৰকৃতি দেৱী বাইখোৰ সন্তুষ্টিৰ বাবে আয়োজন কৰা নৃত্য-গীতবোৰত কৃষিজীৱী ৰাভা সকলৰ মনত পুনৰ নতুন প্ৰেৰণাৰে কৃষিত মনোনিবেশ কৰিবলৈ প্ৰেৰণা যোগায় | নতুন উদ্যমেৰে প্ৰকৃতি দেৱীক সন্তুষ্ট কৰ্ পথাৰত মন প্ৰাণ সপি দিয়ে | পৃথিৱীৰ বিভিন্ন জনগোষ্ঠীয়েও কৃষিকাৰ্য আৰম্ভ কৰাৰ আগতে বিভিন্ন সমাহাৰেৰে প্রকৃতি পূজা কৰিছিল | মায়া সভ্যতা আৰু ইনকা সভ্যতাত এই উদাহৰণবোৰ ভালদৰে পোৱা যায় |

   যিয়েই নহওক ৰাভা জনগোষ্ঠীৰ কৃষিভিত্তিক পৰব পৃথিৱীৰ যি কোনো পৰবৰ তুলনাত কম নহয় | বাইখো উছব হৈছে ৰাভা জনগোষ্ঠীৰ উন্নত আৰু আধ্যাত্মিকতাৰে ভৰা এক মাংগলিক উছব | বাইখো উছবে পৰস্পৰৰ মাজত অসুয়া ভ্ৰান্ত ধাৰণাবোৰ দূৰ কৰি বাইখো উছবে আনি দিছে এক অনাবিল আনন্দ | এই অনাবিল আনন্দ অসমৰ প্ৰত্যেকটো জাতি-জনগোষ্ঠীৰ মাজত চিৰ প্ৰবাহমান তটিনীৰ দৰে বৈ থাকিব | ই কোনো কালে স্তব্ধ নহয় | বাইখো উছবে সকলোৰে মাজলৈ শান্তি সম্প্ৰীতিৰ বাৰ্তা কঢ়িয়াই আনক |   (সমাপ্ত)

 📝 হেমেন হাজৰিকা