পুষ্টিৰ দানাবোৰ
অ-পুষ্টি হলে
বিহ হয়
গোন্ধায ৷
মানুহে মানুহক বধিবলৈ
পুষ্টিত অ-পুষ্টি দি
বজাৰ ধৰিছে ৷
অ-পুষ্টি প্রবেশত
নতুন কাকতি ফৰিং ওলাইছে
আকাশত তৰা বাঢ়িছে ৷
মানুহ যদি মানুহৰ বাবে
মানুহ নাথাকিলে
বেহা কাৰ সতে ৷
গোন্ধোৱা মাছবোৰ
বৰষুণত তিতাইছে
বতাহত নতুন গন্ধ চটিয়াইছে
মাছৰ গন্ধ লুকুৱাইছে ৷
বজাৰ আহি ঘৰ সোমোৱাত
স্বৰূপ ওলাইছে ৷
গৃহিণীৰ গালি বৰষিছে
মানুহ মানুহৰ পৰা
আতৰি আহিছে ৷
📝হেমেন হাজৰিকা
মিৰ্জা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ