সোঁৱৰণি

  

কৃষ্ণচুড়া কেইজোপাৰ তলতেই প্রথম দেখা

উজ্জ্বল এটি মিঠা হাঁহি তাইৰ

চঞ্চল কাজলসনা নয়নযুৰি ,

তাইক প্রায় কৃষ্ণচুড়াৰ তলতেই দেখাপাঁও, 

কিবা যেন বিচাৰি ফুৰে তাই

কৃষ্ণচুড়াৰ দেশখনত!! 

হয়তো অতীতৰ কিছু স্মৃতি |

কেতিয়াবা তলসৰা পাতবোৰ লৈ 

তাই আবেগিক হৈ পৰে, 

হয়তো কোনোবা আপোনাজনৰ অনুপস্থিতিত

নিসংগতাই হৃদয়ত বিন্ধি দিয়া বিষবোৰ |

তাইৰ হাঁহিবোৰ কেতিয়াবা

কৃত্রীমতা লুকাই থাকে,

তথাপিও তাই হাঁহিবলৈ এৰা নাই, 

তাইক এটিয়া অলপ মৰমৰ প্ৰয়োজন

শুকান হৃদয় খনক জীপাল কৰিবলৈ |

তাই কাৰোৱাৰ অপেক্ষাত ৰৈ আছে ,

তাই হয়তো নাজানে অপেক্ষাবোৰ 

মূল্যহীন আৰু বেদনাদায়ক ! 

দুভৰি থমকি ৰয় তাইৰ

কৃষ্ণচুড়াৰ তল পালে, 

এৰি দিয়ে এটি বিষাদভৰা হুমুনিয়াহ |

        

 🖊 লক্ষ্যজিত চহৰীয়া