সংঘাত

কিবা এটা হেৰুৱাৰ বেদনাত

বাটে পথে সংঘাত লাগে

সিহঁতৰ কেতিয়াবা কিনো হয়

মানসিক ভাৰসাম্য হেৰুৱা লোকৰ দৰেই

খুবেই হাই উৰুমি কৰে।

সিহঁতৰ মাজত যেন

সংঘাতৰ প্ৰতিযোগিতা চলিছে

যাৰ ফলত ক্ষোভৰ একুৰা জুই

উমি উমি জ্বলিছে

তাৰ প্ৰচণ্ড তাপে

যেন সিহঁতৰ তেজক শুহিছে

সেই বাবেইতো ভয়াতুৰ ভাবত

কোলাহল কৰি চিঞৰিছে।

মনৰ দুখতেই কিবা এটা নিচাত

নিজৰ নিজৰ মাজত কন্দল লাগে

নিজে নিজে হতাহত হৈ পৰে

আকৌ খন্তেক পিছতে

নিজৰ নিজৰ দুখ বুজি

দুখতেই হাঁহি মাৰে আৰু কান্দে

কিবা এটা হেৰুৱাৰ দুখ বেদনাত।

📝নবীন কুৰ্মি

সাপেখাতী, চৰাইদেউ