যোৱা সংখ্যাৰ পিছৰ পৰা
আনহাতে হুদু গুদু আন এবিধ উত্তেজনাপূৰ্ণ খেল | এই খেলত বল শক্তি আৰু বুদ্ধি কৌশলৰ প্রয়োজন হয় |
পুৰণি দিনত বিহুৱে সংক্ৰান্তীয়ে, দৌল, সুঁৱৰী উচবৰ অন্তত হুদুগুুদু খেল প্রদৰ্শিত হৈছিল | ইয়াৰ উপৰি দলপুঙা,জিলকি জিপৌ,ৰীতি,ধোপ,পোক,কানিমুনি,চুৱা চুৱা আদি নানাবিধ খেলৰ নাম পোৱা যায় | দলপুঙা এবিধ পানীৰ খেল | খেলুৱৈয়ে পানীত ডুব মাৰি পানীত উপঙি থকা দলপুঙটো ধৰিবলৈ চেষ্টা কৰে | জিলকি জিপৌ খেলত সমান সমান খেলুৱৈ থাকে |
বৰ্তমানৰ কাবাদী খেলৰ দৰে এই খেলতো জিলকি জিপৌ,জিলকি জিপৌ বুলি চিঞৰি চিঞৰি খেলে | উশাহ বন্ধ হৈ চিঞৰিবলৈ এৰিলে বিপক্ষৰ খেলুৱৈয়ে সেইগৰাকী খেলুৱৈক ধৰি ৰাখে | তেতিয়া সেই খেলুৱৈজনক মৰা বুলি কয় | ই এবিধ হাইমাদৰ নিছিনা খেল | খেলত জিকিলে চাম খালো বুলি কয় | ৰীতি খেলতো দুটা পক্ষৰ সমান সমান খেলুৱৈ থাকে | এই খেল আজিকালিৰ খো খো খেলৰ নিছিনা | ধোপ খেল বৰ্তমানৰ বাস্কেট বল খেলৰ নিছিনা | একেদৰে পোক খেলো আন এবিধ আনন্দদায়ক খেল | এনেদৰে লুকাভাকু,গৈলা,কচুপাতত গুটী দিয়া,কাউৰী,দৰা-কইনা আদি খেলৰ উপৰিও সমান সমান খেলুৱৈৰ মাজত বকুলৰ গুটীৰে খেলা গাঁতাৰ ঘাই আৰু লাছ খেল , ভাটি টি, পদুম,অসুদ পুতা,খুঁটা চুৱা,কদ্দে,মাটিচুৱা, বীলিত গুটীপুতি বিচাৰি উলিওৱা নুনি নুনি খেল আদি অনেক খেল ধেমালিৰ নাম পোৱা যায় | আনকি মানুহৰ দল গঠন কৰাৰ চানেকি হিচাবে ৰজা-মন্ত্রীৰ খেল প্রদৰ্শন কৰা হয় | দুজন ল'ৰাৰ মাজত ৰজা, মন্ত্রী নিৰ্বাচন কৰা হয় | আন ল'ৰা বিলাকক ভাগ হৈ বেলেগ বেলেগ ৰজা আৰু মন্ত্রীৰ কাষত ঠিয় হ'বলৈ কোৱা হয় |
📝 হেমেন হাজৰিকা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ