আলসুৱা হৃদয়

তোমাতেই বিলীন সদায়

মোৰ এই আলসুৱা হৃদয় ,

কিয়‌ জানো???

 ই সদায় তোমাকেই বিচাৰে..

অনবৰতে,

বাৰে বাৰে...

তোমাৰ বাবেই সাঁচি ৰাখিছোঁ

অজস্ৰ মৰমৰ সাগৰ

তুমি সাঁতুৰিব পৰাকৈ ,

বিলাব বিচাৰোঁ মৰুভূমিৰ মাজতো

সুৱাস তেজী গোলাপৰ

তুমি আকলুৱা হোৱাকৈ....

তুমিয়েই মোৰ চিনাকি

তুমিয়েই মোৰ পৰিচয় ,

তুমিয়েই মোৰ সঁহাৰি

জানাই তুমি নিশ্চয় ।

ৰাখি ‌দুচকুতে অভিমান

সাজিছো‌ এক নতুন জীৱন ।

দিছো জীৱনৰ প্ৰতিটো খোজ

তোমাৰ খোজত খোজ মিলাই,

হৃদয়ৰ স্পন্দনত ,

প্ৰেমৰ ভাঁজত ,

তুমিয়েই আছা মাথোঁ সদায় লুকাই....

✍️স্বাতী জয়ছোৱাল

    নাহৰকটীয়া , ডিব্ৰুগড়