স্বাধীনতা দিৱস আৰু ডিব্ৰুগড় বিশ্ববিদ্যালয় : অনুভৱৰ একাজলি

আন অনুষ্ঠানৰ দৰে ডি ইউত স্বাধীনতা দিৱস অতি উলহ মালহেৰে অনুষ্ঠিত কৰা হয়। প্ৰায় এসপ্তাহৰ আগৰ পৰা বিভাগ, কেন্দ্ৰ, কৰ্মচাৰী সকলৰ মাজত প্ৰস্তুতি আৰম্ভ হৈ যায় পেৰেডৰ বাবে ।পুৱা ৫ বজাৰ লগে লগেই ছাত্ৰ ছাত্ৰী সকল নিজ নিজ স্থানলৈ যায় । এই কেইদিন পুৱা , সন্ধিয়া 
বিশ্ববিদ্যালয়ৰ চৌহদ " সাৱধান, বিশ্ৰাম , এক দৌ এক " ধ্বনিৰে মুখৰিত হয় থাকে ।যেন কোনো কাৰোতকৈ কোনো গুণেই কম নহয় । বিশ্ববিদ্যালয়ত পেৰেডৰ প্ৰতিযোগিতা অনুষ্ঠিত কৰা হয়। আৰু বিজয় হোৱাৰ হেঁপাহ যেন সকলোৰেই মনত ।সেয়ে , শোৱাপাটী এৰিবলৈ কুণ্ঠাবোধ কৰা জনেও কিন্তু পুৱাতেই নিদ্ৰাদেৱীক এৰে ।সেইকেইদিন ছেকেণ্ড গেট, ডি ইউ হাট যেন কিছু নিৰৱ হৈ পৰে । কিয়নো কাৰোৰ ওচৰত সময় নাই পেৰেডৰ বাবে আন কাম ত মন দিয়াৰ ।
                 ১৪ আগষ্টৰ দিনা সন্ধিয়া অনুষ্ঠিত কৰা হয় জেনেৰেল মাৰ্চ পাষ্ট‌। সেইদিনাই প্ৰতিফলিত হয় কাৰ ভাল হৈছে আৰু কাৰ বেয়া । তাৰ পিছত চিনিয়ৰ  আক্ষেপ আৰু ‌উপদেশ পৰ্ব " তোমালোকৰ হাত মিলা নাই ,ডাইনে দেখত ভৰি উঠা নাই ,হেন্ড চুইং ভালদৰে কৰা নাই ।ভালদৰে কৰিবা এনে দৰে কৰিলে নহ'ব । আমুকটো  বিভাগে ইমান ধুনীয়া কৰিছে ইত্যাদি ইত্যাদি ।"
                 অৱশেষত ১৫ আগষ্টৰ দিনা পুৱাতেই সকলো‌ উঠি গতি কৰে DUET BUILDING অভিমুখে ।ক্ৰম অনুসৰি সকলো শাৰী শাৰী কৈ থিয় হয় । উপাচাৰ্যৰ পতাকা উত্তোলন আৰু তেওঁৰ লগতে অন্যান্য সকলৰ ভাষণৰ পিছত আৰম্ভ হয় পেৰেডৰ প্ৰতিযোগিতা।ড্ৰাম বিটৰ তালে তালে সকলোৱে গতি কৰে। সকলোৱে এজাউৰি হাত চাপৰিৰে উৎসাহ যোগায় । হাতবোৰ যেন অলপ উৰ্ধমুখী হৈ পৰে ।
                 পেৰেডৰ পিছত সকলোকে আহাৰৰ টোপোলা বিতৰণ কৰা হয় আৰু ফলাফল ঘোষণা কৰা হয়। বিজয়ৰ উল্লাহ আৰু পৰাজিত জনৰো কিন্তু কোনো আপত্তি নাই। 
                 তাৰপিছত অনুষ্ঠিত কৰা হয় বাৰেৰহণীয়া  অনুষ্ঠান । গীত , নৃত্য আদিয়ে চাৰিওদিশ ৰজনজনাই তুলে । আৰু তাত ভাগ লয় মঞ্চত আঁৰি থোৱা ত্ৰিৰঙী বেলুনৰ  ফুটাৰ শব্দই ।
                  এনেদৰেই এবছৰৰ কাৰণে স্বাধীনতা দিৱসটি বিদায় দিয়া হয় ।

🖋️দিচা গগৈ ।
     আমগুৰি

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send