দুটি সৰু অনুভৱ-কেশৱ চাউ

এক

পেঞ্চিলৰ ৰং সানি মানুহজনে

আজি চিত্ৰ আঁকিছে,

চিত্ৰ ভোকৰ তৰণি নোপোৱা দিনৰ,

চিত্ৰ মানৱতাৰে অংকিত জীৱনৰ,

চিত্ৰ জীৱনৰ জয় ধ্বনি ভাষণৰ!

চিত্ৰ পথাৰৰ সেউজীয়া গুটি ধানৰ,

চিত্ৰ কুটীৰ পশ্চাদভূমিৰ!

কুটীৰ ছাদ বুলি ক'লে বাঁহ ,বেত আৰু টকৌ পাত,

কুটীৰ জীৱন বুলি ক'লে দুবেলা দুমুঠি আহাৰ।

দুই

সৌ সিদিনালৈকে আলিটো 

কেঁচা আছিল

এতিয়া চাগে পকি হ'ল,

ঘাঁহ বননি বোৰ সম্প্ৰতি মৃত নদীৰ ঘাটত

পৰি আছে।

✍কেশৱ চাউ