সুখ-নিলাশ বৰা

সুখী হ'ব জনা মানুহে এন্ধাৰৰ মাজতো বিচাৰি লয় পোহৰৰ ৰেশ ;
দুখে হাজাৰবাৰ আঁচুৰি যায়
তথাপিও শেষ নহয় হেঁপাহৰ আৱেশ ।
সুখী মানুহ হাউলি পৰে
কিন্ত বাগৰি নপৰে ।

জীৱনৰ শিপাই সুখক খামুচি থাকে,
সুখে দুখলৈ মিচিকিয়াই কয়-
তোমাক মই বেয়া নাপাও
 থাক লগতে; তই 
আছ বাবেইতো মোৰ অস্তিত্ব আছে ।
সুখী মানুহে হাঁহি ভাল পায়,
বিশ্বাস কৰে সুখ বিলাই দিলে বাঢ়ি যায়।
সুখী মানুহে সুখ বিচাৰি নাখাই হাবাথুৰি বুটলি লয় নিজৰ পৰা আনৰ পৰা পৃথিৱী পৰা এধানি এধানি।।

🖋️নিলাশ বৰা

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send