পিতাই মই খেতি কৰিম-লক্ষ্যজিৎ সন্দিকৈ

পিতাই মই খেতি কৰিম
পিতাই তোৰ দৰে মই 
পথাৰত খেতি কৰিম
তই জাননে পিতাই 
সিহঁতৰ দৰে মই 
পঢ়িব নোৱাৰোঁ।
মই দেখোন আজিকালি
ভাৱিবই নোৱাৰোঁ ও 
অভিলাষী চহৰৰ কথা
আগতে তোক দিয়া কথাবোৰ
মনত আছেনে তোৰ।
মই ডাঙৰ হ'লে...................
তই পাৰিবি জানো পিতাই 
আঁচলৰ ধন গৰুহাল বেছি 
মোক চহৰলৈ পঠাবলৈ।
পাৰিবি জানোঁ তই
বুকুৰ আপোন খেতি ডৰাক,
মহাজনক বন্ধকত দিবলৈ
পিতাই অ তই চিন্তা নকৰিবি
আমাৰ নতুনকৈ জগা 
ৰঙা  দমৰাটো ডাঙৰ হ'লেও
বলাইৰ কজলাটোকে লৈ 
খেতি কৰিম
নালাগে মোক চৰকাৰী ধন 
পিতাই মই খেতি কৰিম।।

✍️ লক্ষ্যজিৎ সন্দিকৈ।
চৰাইদেউ,বৰহাট

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send