নতুন যাত্ৰা~কবিতা~অদিতী তাঁতী

বাকৰুদ্ধ হৈ এটি পথত যাত্ৰা কৰিছোঁ
য'ত আছে সীমাহীন স্বপ্নৰ
চাৰিআলি,
কোনবাটে যাওঁ 
যাবলৈ খোজোঁ সাহস নহয় 
আকৌ পিছলৈ উলটি আহোঁ।
মকৰা জালৰ দৰে ছানি ধৰে
ভাবিবলৈ বাধ্য হওঁ সেইবাটেৰে নাযাওঁ,
মোৰ বাবে সুগম নহয় সেই পথ
যি পথত যাবলৈ মই আগবাঢ়িছো।
মাজবাটত ৰৈ কথাবোৰ চিন্তা কৰিছোঁ
নহয় মোৰ আৰু মোৰ বাবে হ'বই নোৱাৰে
য'ত আছে দুখন নাও,
আছে মাথোঁ এজন নাৱৰীয়া 
সহজ নহয় এই যাত্ৰা;
সেয়েহে বাকৰুদ্ধ হৈ এটি পথত যাত্ৰা কৰিবলৈ থিৰাং কৰিছোঁ।

✍অদিতী তাঁতী

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send