সুগৰ কৰি ল অ'
ৰংমন-ব'হাগী
বাপতি সাহোন বিহুটিতে
এপাক নানাচিবি নে ?
তাতখন বিহুচেৰা
নকৰিবি অ' লাহৰী
বিহু নৌ আহোঁতেই
বিহুৱানখন কাটিবি ||
জেতুকা-ঠেৰেজু সবাকে গোটাবি
থেকেৰা বেঙেনা ঐ
নাহৰৰ ডালিটি ছালতে গুজিবি
এলাহ নকৰিবি দেই ||
ছাঁতে শুকুৱা মুঠিতে লুকুৱা
সেইহেন বিহুৱান
দিব জানো পাৰিবি ?
কৃষিৰে সম্বল
গো-ধন মহাধন
তাকো মোৰ কপালত নাই
তাকেই তোক কলো
সি যাৰ নাই সবাতকৈ সৰু
সাত শাকি গোটাবি
আই বোপাইক
বিহু বুলি সেৱাটি যাঁচিবি
বিহুতে ওলামগৈ
মাতষাৰিকে ভালকৈ লগাবি |
গৰু বিহু গধুলি
হুচৰী জুৰিম ঐ
আৰুনো কেইদিন বাকী
উজনি নামনি মাৰো কেইখনি
নাচনি টাকুৰী ঘুৰাদি নাছে ||
বিহু হেন ধন
বাপতি সাহোন
নেপাতি থাকিব জানো পাৰি
🖋️হেমেন হাজৰিকা,মিৰ্জা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ