মা... বিহু দেখোন পালেহিয়েই অ' ...দেউতাই দেখোন একোকে আনি দিয়া নাই অ' মা।
ওচৰৰ বৰদেউতাহঁতে দেখোন বিহুৰ বজাৰ কৰিলেগৈ ।
এৰা হয়তো...দিপ্তীয়ে মনে মনে ভাবিলে ।ঘৰখন চলাবলৈয়ে দেখোন বহুত টকা লাগে নতুন কিবা এটা কৰাৰ কথা ভাবিবই নোৱাৰি ।দিন-হাজিৰা কৰি কৰি তাই সিহঁত দুয়োটাৰ পঢ়াৰ খৰছো কৰিব লাগে।
.জীয়েকৰ মুখলৈ চাই লাহেকৈ কʼলে---
তই চিন্তা নকৰিবি অ' সোণ ।
দেউতাৰে অমূল্য সময়বোৰ অবাবত নষ্ট কৰিলেও মই তহঁতৰ বাবে দেহে-কেহে খাটিছোঁ।
পদুলিৰ কপৌজুপিৰ সুকোমল পাহিটি অহাৰ বাতৰি পাই মই তহঁত দুয়োৰে বাবে মনেমনে যা-যোগাৰ কৰি আছোঁ ।
তোৰ বাবে এযোৰ গামখাৰু আৰু ভাইটিৰ বাবে এখন বিহুৱান মই যেনেতেনে আনি দিম । নিতৌ বৰমাৰ ঘৰত কাম কৰা টকাকেইটা এইবাৰ তহঁতৰ বাবে ৰাখি থৈছোঁ।
তহঁত দুয়োটাই সমনীয়াৰ স'তে আনন্দেৰে বিহুটিত নাচিব পাৰিবি
আমাৰ কৃষ্টি-সংস্কৃতি বোৰ তহঁত মখাই জীয়াই ৰাখিব লাগিব সোণ ।
দেউতাৰ দৰে নিজকে কু-অভ্যাসৰ মাজত বিলীন কৰি নেপেলাবি ।
তহঁত দুয়ো মোৰ আশাৰ দাপোন , দেশৰ ভৱিষ্যৎ সোণ ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ