দেউতা-ধৃতাশ্রী বৰ্মন

 মোৰ জীৱনৰ আশাৰ চাকিগছি 
      তুমিয়ে জ্বলাইছিলা দেউতা, 
 হেঁপাহৰ ৰংবোৰৰ বিষয়ে 
      তুমিয়ে কৈছিলা দেউতা। 
 
সৰুতে  তুমি শিকাইছিলাঁ 
  ক খ গ ঘ ঙ......,
এতিয়া মোক শিকোৱা 
  সুখ,দুখ,আশা,নিৰাশা......।

তুমি যে কোৱা 
   তুমি এখন বোঁৱতী নদী,
আৰু মই তোমাৰ জীৱনৰ 
  এখন বিশাল নাওঁ। 
 
কিন্তু মই কওঁ দেউতা 
  মই যদি তোমাৰ জীৱনৰ নাওঁ,
তুমি সেই নাওঁৰ বঠা 
  যদি বঠা নাথাকে নাওঁৰ অস্তিত্ব ক'ত?

জীৱনতো যদি কবিতা হয়
  সেই কবিতাৰ শব্দ তুমি, 
জীৱনতো যদি আকাশ হয়
   সেই আকাশৰ ৰামধেনু তুমি।
       
  ✍ধৃতাশ্রী বৰ্মন
নলবাৰী
                 

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send