প্ৰভাত-যমুনা বৈশ্য

স্বপ্নৰ কুহেলিকাত দুখৰ আঁৰত

তাইৰ বিষাদৰ প্ৰতিটো দিন

নিৰ্মল হৃদয়খনৰ কোঠাকেইটাত

প্ৰভাতৰ আগমন হোৱা নাই ।

সেউজীয়া বক্ষত

উচুপনিত সৰি পৰে

জীৱনৰ ছন্দৰ আখৰা

 সময়ৰ বোকোচাত

এটি আশাৰ ক্ষণ

বিচাৰি ফুৰে নিতে

ঈশ্বৰৰ সন্ধান প্ৰভাতে , প্ৰভাতে ।

অযুত মধুৰ স্মৃতি

নিৰৱে মাথো বয়

নতুনৰ প্ৰভাতৰ জাগৃতিৰে

ঘাত -প্ৰতিঘাত পাৰ হৈ

এৰি অহা ইতিহাসে

দহে আকুলতাৰে

দৰদী প্ৰাণত ।

পুৱতি প্ৰভাতৰ মধু আলিঙ্গনত

ৰ'দ কাঁচলি বুকুত বান্ধি

অভাৱ -অনাটনত নিপীড়িত মানুহৰ

একাঁজলি সুখ বিচাৰি

হাবাথুৰি খায় জীৱনৰ গতি

সময়ত সময়েহে নিৰূপন কৰেহি

জীৱনৰ মাপকাঠী ।

  ✍️ যমুনা বৈশ্য