গধুৰ চকী-মৌচম হাজৰিকা

চকীখন বৰ গধুৰ,

বহিবলৈ সাহস লাগে 

বহিবলৈ সুযোগ লাগে।

চকীখন বৰ মধুৰ,

বহিবলৈ লালসা লাগে 

বহিবলৈ ছলনা লাগে। 

কিছুমানে আশা কৰে, 

গধুৰ চকীত বহিবলৈ 

কিছুমানে আশা কৰে,

মধুৰ চকীত বহিবলৈ 

বহুতৰ বাবে বহু দূৰ এইখন চকী, 

বহুতৰ বাবে অগোচৰ এইখন চকী 

কাৰণ, 

চকীখন বৰ গধুৰ

চকীখন বৰ মধুৰ 

ইমান সহজে পাব নোৱাৰি 

এনে ধৰনৰ চকী এখন 

ইয়াৰ বাবে,

সাহসতো কৰিব লাগিব, 

সুযোগতো পাব লাগিব,

লালসাওতো থাকিব লাগিব, 

ছলনা কৰিবতো জানিব লাগিব 

এতিয়া আমাৰ বাবে, 

বাচি থকাৰহে সময়

এতিয়া আমাৰ বাবে সাৰে থকাৰহে সময় 

এতিয়া চকু দুটা বহলকৈ মেলি দিয়াৰহে সময় 

নতুন খেল এখন চোৱাৰহে সময়  

বাজিগৰে খেল এখন খেলিছে

চোৱাৰহে সময়! 

✍ মৌচম হাজৰিকা