ক্লান্ত শব্দ-সেখ মনিৰুজ জামান

মাজে মাজে বৰ কষ্ট দিয়ে 

অতীতৰ কিছু ভুলে ...

বৰ্তমানৰ তাড়নাত জাগে পুৰণা বিষাদ

হাঁহে মোৰ ছায়াই  , মোৰ দুৰৱস্থাৰ ওপৰত ।।

                         

ক্ষন্তেকীয়া জীৱনৰ চিৰ মোৰ বিষাদবোৰ 

                         

ডুবিছে গভীৰ ক্লান্ত শব্দ সাগৰত

                         

অনিশ্চয়তাই ভাঙিছে সপোন আপোন

                         

সময়ে পিন্ধাইছে বাহ্যিক মুখা ।।

                         

হাঁহিছে জগতে মোৰ ক্লান্ত শব্দ সুৰত !

নয়নে চেপি ৰাখিছে অশ্ৰু কত ...

মিত্ৰই হৈছে আজি মোৰ শত্ৰু যত

তথাপিও নুবুজে যে মোৰ অবুজ হৃদয় 

মৰমৰ এনাজৰীত বান্ধ খায় প্ৰতিটো সময়

শেষত সাৰথি হয় , মোৰ অস্থিৰ কলমৰ ক্লান্ত শব্দ 

য'ত মোৰ সকলো ভুলৰ শুদ্ধই ব্যৰ্থ হৈ ৰয় ...!!

 ✍️সেখ মনিৰুজ জামান ( মুন )

      গোৱালপাৰা মহাবিদ্যালয় , গোৱালপাৰা ।