অতীত-প্ৰীতিষ্ণা শইকীয়া দত্ত

জুমি চোৱা অতীতলৈতাৰ বুকুতেই মোক পাবা 
স্মৃতিৰ টুকুৰাত এতিয়াও সজীৱ আমাৰ অস্তিত্ব
দুহাতে চুই চাবা আমি খেলা সেই টকৌজোপা
য'ত টোকোৰা চৰাইৰ অলেখ সপোনৰ পঁজা ।
নহ'লে আহিবা এপাক বৰ পুখুৰীৰ পাৰলৈ
আবেলিৰ ধেমালিৰে ভৰপূৰ সোণালী সময়ক পুনৰ পাবলৈ
আহিবানে আকৌ এবাৰ মোৰ ৰাণী হ'বলৈ ?
আজিও মোৰ সপোনৰ ৰাজকুমাৰীৰ সাজত তোমাকে অংকিত কৰে মোৰ হৃদয়ে !
কলিজাৰ প্ৰতি টোপাল ৰক্তই বিনাই উঠে তোমাৰ নামেৰে !
আহিবানে এবাৰ জীৱনৰ বিয়লি বেলাত আকৌ এবাৰ গাবলৈ তাহানিৰ সেই শুৱলা গান !

✍️প্ৰীতিষ্ণা শইকীয়া দত্ত

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send