অনাকাংক্ষিত মৃত্যুৰ আৰ্তনাদ-জয়া মণি ডেকা

পৃথিৱীত আজি অনাকাংক্ষিত মৃত্যুৰ কি যে ভয়ানক  আৰ্তনাদ...

 কোনোবাই ৰচিছে হত্যা,লুণ্ঠন,ধৰ্ষণৰ বিভ্ৰাট নিনাদ..৷৷

অনিয়ম ,অবিচাৰেই মাতিছে নেকি ধ্বংসৰ গ্লানি

মানৱ শ্ৰেষ্ঠ পৃথিৱীত কিয় জীৱৰ আলাই-আথানি ??

পাপৰ আখৰাত চাগে সকলো ব্যস্ত

সেয়ে চাগে পৃথিৱীও হৈ পৰিছে অভ্যস্ত ??

দুৰ্নীতিৰ দুৱাৰ দলিত সকলো ৰুদ্ধ

মানুহৰ ঈশ্বৰ প্ৰেম ,ভকতিত ঈশ্বৰো আজি দগ্ধ পৃথিৱীত চলিছে জীৱন-মৃত্যুৰ কি যে  মহাৰণ..

ঈশ্বৰে ৰাখিলে থাকিব জীৱন ...৷৷

সেয়ে সুখ ভোগ পাহৰি ঈশ্বৰ মুখী হোৱা

সৎ নিষ্ঠা আদৰ্শৰে মানৱতাৰ গীত গোৱা ..৷৷

                        ✍️  জয়া মণি ডেকা