মৰাশ বোৰে কথা পাতিছে-দেৱশ্ৰী ওজা বৰা

মৃত্যু  ওচৰত  হাৰ মানি 
হাজাৰ হাজাৰ মৰাশই আজি কথা পাতিছে 
ঘৰৰ চোতালত যে কাম এটা কৰি আছিল সি 
তাৰ কামটো আধৰুৱা হৈয়েই থাকিল ৷
মৃত দেউতাকৰ অনুপস্থিতিত ল’ৰা ছোৱালী কেইটাক এৰি ,
আজি তাই ইয়াত মৌন হৈ পৰি আছে ।
কেনেকৈ দুবেলা দুমুঠিৰ,
যোগাৰ কৰিব সিহঁতকেইটাই।
দুখৰ কথা
সিহঁতৰ চাৰিটা  যে ,
বিয়া খাবলৈ যাবই নালাগিছিল 
সিহঁতৰ লগত মৰাশ হোৱা 
গোটেই বাৰটা মানুহেই 
বাচি থাকিল হেঁতেন কিজানি !
তথাপিও মানুহ যে ভুল হ’বই 
সিহঁতে কেনেকৈ জানে তালৈ যে ,
ক’ভিড ৰুগী আহিব ৷
বিয়া ঘৰত ইটোৰ লগত সিটোৰ সংস্পৰ্শ হ’ব 
আকৌ গোটেই কেইটাই আহি ইয়াত এনেকৈ 
শাৰী শাৰীকৈ শুই থাকিব লাগিব ।
আহ্‌ ! কি যে যন্ত্ৰনা.. 
আকৌ সিজনে এইবাৰ ঘৰটো বনাইছিলহে 
বনকৰা মাক জনীক অকনমান সকাহ দিম বুলি ,
নাই আজি দুয়োটাই ইয়াতেই শুই আছে।
কিমান পাতিব সিহঁতে একেবোৰ কথাকে 
বাহিৰত সিহঁতে  শুনা পাইছে 
এখন ডাঙৰ গাড়ীৰ শব্দ ।
সিহঁতক নিবলৈ আহিছে কিজানি ,
ক’ত বা পুতিব সিহঁতক ?
আহ্‌ ! মৃত্যু আজি যে কিমান সহজ৷
কি যে বেদনাদায়ক যন্ত্ৰনা এইবোৰ ?
কিমান দিন যে সহিব লাগিব  ৷ 
ভগৱান তুমি এই সকলো স্তব্ধ কৰা 
লাহে লাহে পূৰ্বৰ পৰিস্থিতি পুনৰাই দিয়া
ইমানবোৰ যন্ত্ৰনাৰ চাক্ষুস প্ৰমাণ ,
হ’ব নোৱাৰিম কিজানি ৷

✍️দেৱশ্ৰী ওজা বৰা

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send