সপোন-হুমায়ুন কবীৰ

বহুতৰ দৰে সপোন মইও দেখোঁ

সপোনত বুৰ গৈ,

সপোনত উটি ভাহি, 

সপোনৰ লগত খোজ মিলাই,

মইয়ো সপোন দেখোঁ।

সপোনে লৈ আনে নতুনত্ব,

সপোনে বাধা নামানে; 

মনটোক লৈ যায় অচিন দেশলৈ 

সপোনে দিয়ে জীয়াই থকাৰ আশা

আৰু আনে সীমাহীন আনন্দৰ জোৱাৰ।

সপোনৰো বয়স বাঢ়ে,

সপোনবোৰ দিঠকত ধৰা দিয়ে

পোৱা নোপোৱাৰ দোমোজাত 

ই কঢ়িয়াই আনে বহু প্ৰশ্ন।

সপোনো ভাঙে কাঁচৰ দৰে 

ইয়াৰ শব্দই বুকুত আঘাত দিয়ে।

        

 ✍️ হুমায়ুন কবীৰ