দীঘল বাট-মৌচম হাজৰিকা

আমাৰ ঘৰটো আগৰ দৰে 
শীতল নোহোৱা হ'ল ।

গছজোপা কাটি দিয়াত 
চোতালত ছাঁ নপৰা হ'ল ।

এজাক বৰষুণতে ঘৰৰ ভিতৰত 
এবুকু পানী হোৱা হ'ল ।

পাহাৰৰ পৰা খহি অহা মাটিয়ে 
নৈ, খালবোৰৰ বুকু বাম কৰি গ'ল ।

এতিয়া ঘৰত থাকিলেও 
গৰমে দহি নিয়া হ'ল ।

মলয়া বতাহৰ অভাৱত 
দেহাটো ভাগৰুৱা হ'ল ।

কেনেকৈ কৰিম বাৰু 
দেহাটো আমাৰ শাঁত ?

প্ৰকৃতিৰ পৰা যে 
আঁতৰি আহিলো
বহু দীঘল বাট !


✍️মৌচম হাজৰিকা

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send