তুমি কিয় ইমান অভিমান কৰা-প্রেম বৈষ্ণৱ

তুমি মোক ভাল পোৱা , 
বহুত ভাল পোৱা তুমি , 
মই জানো, তাত কোনো 
সন্দেহৰ  অৱকাশ নাই ...
তেন্তে কিয় ইমান অভিমান কৰা ? 

তোমাৰ হৃদয় কেৱল 
মোৰ বাবেই স্পন্দিত হয়, 
তুমি মোক কেতিয়াও কোৱা নাই , 
মই কিন্তু সেই হৃদয়ৰ বতৰা ,
বহু আগতেই  বুজিব পাৰিছিলোঁ । 

হৃদয়ত ইমান ভাল পোৱা,
ইমান নিভাঁজ মৰম ...
তথাপিও ইমান ভয়লগাকৈ, 
মোৰ লগত অভিমান কৰিবলৈ 
তোমাৰ অকণো বেয়া নালাগে নে  ?

মোৰ বৰ ভয় লাগে জানা ?
যেতিয়া তুমি সৰু সৰু কথাতে 
কৃত্ৰিম অভিমান কৰি  আঁতৰি যোৱা , 
তেতিয়া বৰ ভয় লাগে জানা  ! 
সঁচাকৈয়ে বৰ ভয় লাগে জানা ।

✍️প্রেম বৈষ্ণৱ

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send