জীৱনৰ ঘাত-প্ৰতিঘাত বোৰে বহু কথাই শিকাই যায় ।
চল্লিছটা ব'হাগ পাৰ নহওঁতেই মালতীৰ বহুবাৰ জীৱনৰ প্ৰতি মোহভংগ হৈছে ।
মানুহৰ কি বিচিত্ৰ ৰূপ --
"বাহিৰে ৰংচং ভিতৰে যেন কোৱাভাতুৰি "।
হেৰাই যাব খুজিও মালতীয়ে থমকি ৰয় , জীৱটোক নতুনকৈ গঢ় দিয়াৰ আশাত --।
এটা ভাল কামত মালতীয়ে সদায় নিজকে উছৰ্গা কৰিব খোঁজে ।
কিন্তু জীৱনৰ প্ৰতিখন জপনা তাই পাৰ হ'ব নোৱাৰে ---পাৰ ভাঙি যায় মাথোঁ চকুপানীবোৰে ।
নিষ্ঠুৰ নিয়তিৰ ওচৰত তাই যেন বাৰে বাৰে হাৰ মানিছে ।
গোটেই জীৱন চেষ্টা কৰিও স্বামীক সৎপথলৈ ঘূৰাই আনিব নোৱাৰা মালতীয়ে নিজৰ সন্তানকনো কেনেকৈ ঘুৰাই আনিব ---।
মদৰ আত্যাচাৰৰ বলি হোৱা ভায়েকৰ জীৱনলৈ কেনেকৈ শান্তি ঘুৰাই আনিব ---মদ্যপানৰ ফলত মৰমিয়াল নন্দেকৰ জীৱনত পাৰিবনে কোনোবাই হাঁহি বিৰিঙাব ?
ঘৰৰ কাষৰ মানুহজনীয়ে সদায় গধুলি মাতাল স্বামীৰ চৰ-গোৰ খোৱা জীৱনটো দেখি ,
মালতীৰ এতিয়া মোহভংগ হৈছে --।
তাই আকৌ ভাবিলে আলফুলীয়া-ফুলকুমলীয়া কেচুৱাকেইটি থকাৰ পিছতো মাকে কেনেকৈ আত্মহত্যা কৰিলে ---? কিয় কৰিলে--?
সঁচাকৈ মদৰ বাবে জীৱনবোৰ বিষময় হ'ল-----।
তথাপি চৰকাৰখনে---? ? ?
????????????????????????????????????
✍️ৰুমী কলিতা দত্ত
২নং কেন্দুগুৰি, ডিব্ৰুগড় ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ