স্বাধীনতাৰ বীৰযোদ্ধা-চিন্ময় ডেকা

স্বাধীনতাৰ জয় গান 
শিৰে শিৰে বুকুত জাগ্ৰত হৈ আছে ,
অমানৱীয় নিৰংকুশ নিৰ্বোধ হত্যাকাণ্ড ।
তথাপি নাই অকণো ভয় , শংকা 
অনৈক্যৰ মাজত ঐক্য
মোৰ দেশৰ বাবে ,
ময়েই অসম সন্তান ।
বিপ্লৱী বীৰ ;
দেশৰ বাবে ছহিদ , তাহানিৰ 
ময়েই মণিৰাম দেৱান ।
ময়েই কনকলতা ,
ময়েই ত্যাগবীৰ পুৰুষ দেশভক্ত তৰুণৰাম ফুকন ।
জননী জন্মভূমি
স্বৰ্গাদপী গৰীয়সী , 
নিজস্ব কৰ্ম শুনিলেই মুগ্ধ হয় ,
কোটি-কোটি দেশৰ সাধাৰণ জনতা ।
বৰ্তমান সময়ত , আজিৰ প্ৰেক্ষাপটত 
জননী সন্তান মই ত্যাগবীৰ ।
লাচিতৰ দেশৰ নাগৰিক মই ,
শত-সহস্ৰ শত্ৰু ছহিদৰ দেহ ৰক্তাক্ত কৰি 
যুঁজি আঁজুৰি আনিম , আমাৰ দেশৰ স্বাধীনতা ।
দেশৰ কাৰণে ;
শূন্যতাত মোৰ আজি সংগ্ৰাম  
কালৈকো নকৰোঁ ভয় ।
নিজ দেশৰ বাবে দেহ বলিদান দিবলৈ কুণ্ঠাবোধ নকৰোঁ 
ময়েই হয়টো বিপ্লৱী বীৰ কুশল কোঁৱৰ ।
স্বাধীনতা দিৱসৰ আগমনত ; 
জনাইছোঁ আপোনাসৱৰ ওচৰত শত কোটি প্ৰণাম ,
হে , স্বাধীনতা বীৰযোদ্ধা অসম সন্তান ।

✍️চিন্ময় ডেকা

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send