স্বাধীনতা যুদ্ধ-লক্ষীন্দ্ৰ গগৈ

শত জন শ্বহীদ হ'ল ,

ইংৰাজৰ বলি হ'ল ,

এজনো পিছে থমকি নৰ'ল ।

হাতে হাতে হাত ধৰি ,

গ'ল কেউ আগবাঢ়ি ,

ইংৰাজক খেদিবৰ হ'ল ।

গান্ধীৰ অহিংসা নীতি

মনে-প্ৰাণে ধ্যান কৰি ,

ওলায় আহিল সবে

বিদেশীৰ শাসন ভাঙি ।

কঁপি উঠিল দিগন্ত ,

অহিংসাৰ মন্ত্ৰ ,

ব্ৰিটিছ শাসনৰ পৰিল অন্ত ।

'বন্দে মাতৰম'

চৌদিশে বাজি গ'ল ,

প্ৰতিজন যোদ্ধাৰ

সাহসো বাঢ়ি গ'ল ।

ব্ৰিটিছ কঁপি ৰ'ল ,

ভাৰত এৰি গ'ল ,

বাজিল জয়গান 

ভাৰতৰ জয় হ'ল।