সময়ৰ মেজ-প্ৰিয়ংকা কোঁৱৰ

পংখী মৰাণ
1
সময়ৰ মেজৰ পৰাই মই তোমাক মাতিছো ,
তুমিও অকণমান সময় উলিয়াই এবাৰৰ বাবে হ'লেও এষাৰ মাত দিবাচোন 
বৰকৈ মন গৈছে ,
তোমাৰ মুখত আখৈ ফুটা দি ফুটা শব্দবোৰ শুনিবলৈ , 
মন গৈছে তোমাৰ কণ্ঠত এটি গান শুনিবলৈ !
লগতে ...
লগতে গুণ - গুণাবলৈ ।
শুনিছো তুমি বোলে এতিয়া ভীষণ ব্যস্ত সময়ৰ মেজত 
অাৰু শুনিছো তুমি মুক্ত বুলি
হয় আকৌ , তুমি এতিয়া মুক্ত
মই হে সময়ৰ পাকচক্ৰত পৰি ওলমি ৰ'লোঁ সময়ৰ মেজত
আঁতৰাই আনিলো মই নামৰ জেং ডাল ,
তোমাৰ জীৱন নামৰ মসৃণ আলিবাট ছোৱাৰ পৰা l
এয়া , মই তোমাক হাত বাউল দি মাতিছো সময়ৰ মেজৰ পৰা ।
তুমিও মাতিবাচোন সময়ৰ মেজৰ পৰাই !
তুমি বাৰু দেখিছানে মোৰ হাতখন ?
চিনিছানে মোৰ মুখখন ?
নে মোৰ বাহ্যিক অৱয়বকো পাহৰি পেলালা সময়ৰ মেজত !!
গোলাপ ফুল পাহ লৈ কাঁইটীয়া ডালটোক দলিয়াই পেলোৱাৰ দৰে 
মোৰ নামটোও দলিয়াই পেলালা নেকি তোমাৰ হৃদয়ৰ পৰা সময়ৰ মেজত !
তুমি মোক মাতিবানে এবাৰ হ'লেও সময়ৰ মেজৰ পৰা ?
গাবা নে এটি গান মোৰ বাবে সময়ৰ মেজৰ পৰা ll

Post a Comment

1Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

  1. সুন্দৰ কবিতা পঢ়ি বহুত ভাল লাগিল

    ReplyDelete
Post a Comment