মানুহবোৰৰ মৃত্যু হৈছে-জহিৰুল ইছলাম

ইয়াত এখন গাঁও আছিল
আছিল মানুহ
আছিল মানৱতাও

ইঘৰ-সিঘৰ বহু ঘৰ 
সিহঁতৰ আছিল বিচৰণ ভূমি
সুখ নতুবা দুখৰ 
সমভাগী আছিল ইজনে-সিজনৰ
পূজা-পাৰ্বণ , কি ঈদৰ আনন্দ
বিহুও পাতিছিল সমূহীয়াকৈ
নাচিছিলেও জড়তা ভাঙি 
নাছিল হিংসা 
নাছিল বিভেদো
বৈচিত্ৰ্যৰ মাজত ঐক্যতাই আছিল 
গাঁওখনৰ উৰন্ত নিচান
শিক্ষিত নাছিল যদিও 
অভাৱ নাছিল মানৱিক জ্ঞানৰ
কিন্তু আজি-------!!!

আজিও আছে সেই গাঁও
আছে মানুহবোৰো
নাই মাথোঁ সোঁত 
চিনাকি সেই মানৱতাৰ
দেখাত মানুহ যেন লাগে
কিন্তু মানুহ নহয় সিহঁত
সিহঁত কোনোবা হিন্দু
কোনোবা মুছলমানহে--!!
কাৰণ মানুহবোৰৰ মৃত্যু হৈছে ।
সেয়েহে--
হেৰুৱাই অধিকাৰ চিঞৰিছে যদিও 
শুনোঁতা যে কোনোৱে নাই
বৰ্ণবাদৰ ধুমুহাত ঐক্যতাই হেৰুৱাই বাট
গণিছে ক্ষণ কেতিয়া উদয় হ'ব এটি ন-সূৰুয 
কেৱল , অপেক্ষা সময়ৰ !


✍🏻জহিৰুল ইছলাম , গোৱালপাৰা

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send