মহিয়সী নাৰী-সবিতা দাস

পংখী মৰাণ
0
জীৱন তেওঁৰ বাবে নগন্য
কিন্তু দেশ ...
দেশ যে আপোন ,হিয়াৰ আমঠু ।
তেওঁৰ  কলিজা কঁপে 
জননীৰ চকুলোঁ দেখি...
তেওঁৰ মনে কান্দে
জননীৰ যন্ত্রণাকাতৰ চিঞৰ শুনি ।
নিজৰ জীৱনকো তুচ্ছ জ্ঞান কৰি
থিয় হয় শক্রৰ বিপক্ষে ...
শক্রৱে  মৰা শেলে
ক্ষত-বিক্ষত কৰে দেহ
তথাপিও নাই আক্ষেপ ।
শিৰত পিন্ধি সাহসৰ মুকুট 
ডিঙিত জিলিকাই সমতাৰ অলংকাৰ 
এখোজি-দুখোজিকৈ আগবাঢ়ে 
জননীক উদ্ধাৰৰ হেতু ।
জননীৰ চৰণত
 উছৰ্গা কৰি জীৱন
পৰাধীনতাৰ শিকলী ছিঙি 
মুক্ত কৰে জননীক 
ঘুৰাই আনে  জননীৰ মৰহা হাঁহি ।
ইতিহাসে ৰিঙিয়াই 
তেওঁ অসমীৰ জী
তেওঁ জননীপিয়াসী 
তেওঁৱেই মহিয়সী নাৰী ।

Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)