মুক্তিৰ সন্ধান-শেৱালী গড়

প্ৰতিশ্ৰুতিৰ অগনিৰ ধাৰা

সু-বিশাল সমদল কান্ধত বীৰলৈ ,

ৰণে-গণে , জাতি-বৰ্ণে

অগণিত , ভীষণ জনতাৰ হুংকাৰ ।

ওলাই আহা , ওলাই আহা

শৌৰ্য-বীৰ্য ৰনুৱাসকল , পছোৱাৰ অভিমুখ ,

একতাৰ ভেটি বান্ধি

মোক্ষ বিজয়ী পথত ।

তেজৰ সুঁতি , প্ৰগতিৰ জ্যোতি

শস্য-শ্যামল আশীষ বান্ধি ,

ধাৰেৰে কোটি-কোটি ৰণুৱা বীৰ-বলশালী

গান্ধীৰ জাকৰুৱা অবিৰাম স্থলী ।

দলে-বলে নায়ক গণে

বজাই একতাৰ বাঁহী ,

সৈন্যে-গণ্যে বৃটিছ প্ৰহৰীক

শূন্যৰ অভিমুখে খেদি ।

বিশাল জনতাই তন্ন-তন্নকৈ

ৰঙৰ আবিৰ মূৰত সানি ,

নৱ-আলোক মহাযজ্ঞৰ প্ৰদীপ জ্বলাই

তৰ্জন-গৰ্জন সমন্বয়ৰ গীত গায় ।

চিঞৰি-চিঞৰি তৰুণ ডেকাতেজ

তীক্ষ্ণ কেৰামতালি পৰাক্ৰম ,

নিচান পতাকা বুকুত সাবটি

মুক্তিৰ সন্ধান বিচাৰি ।

প্ৰতিশ্ৰুতি ভৰা প্ৰাণ

চঞ্চল সুদক্ষ ডেকা-গাভৰুৰ দল ,

পতাকাৰ চাৱনিৰ আঁৰে-আঁৰে

মুক্ত আকাশৰ পথ পোহৰায় ।