জুমি চালো
হেপাঁহ অলিন্দৰ চাবিকোচা
খেপিয়াই চাই দেখো,
মোৰ খোপাৰ মালতী পাহিচোন
সৰি পৰি জিলিকিছে
তোমাৰ দুবাহুত।
যাযাবৰী সপোন বোৰ
সিদিনাই সামৰি থলো
মন বনৰ বনৰজাটোক
আশাৰ বতৰা দিলো।
অ' বনফুল,আলফুলীয়া মোৰ
ভদীয়া বানৰ আহুকাল নেওচি
ওমলিম মই তোমাৰ দুবাহুত
সিঁচিম কঠিয়া দুহাত ধৰি
ফাগুনৰ ৰসাল বুকুত
আহ অ শৰালি,শেৱালি, নেৱালি
দি যা বতৰা
উচাতন হৈ সপোন বুটলো।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ