মই ন্যায় পামনে?-পুলকেশ বৰুৱা

 ন্যায় পামনে?
নে ইমানতে লিখিম উপসংহাৰ?
তহঁতৰ আপ্ৰাণ চেষ্টা মই দেখিছোঁ,
শুনিছোঁ ডাৱৰৰ দেশৰ পৰাই,
উজনিৰ পৰা নামনিলৈ মোৰ শান্তি কামনা...
বুকুত এসোপা ধন্যবাদ সোমাই আছে অ',
দিবলৈহে মই অপ্ৰস্তত...!
মইতো এতিয়া গুচি আহিলোঁ,
হেজাৰ দুখ পথতে পেলাই...।
মোক বিচাৰি তহঁতি হাবাথুৰি খাব নালাগে,
গাঁজনিৰ শব্দতে পাবি মোৰ গানৰ ঝংকাৰ,
বৰষাৰ জিৰজিৰণিত শুনিবি মোৰ কবিতাৰ হুংকাৰ।
শুনিছোঁ পাষণ্ডটোৰ হাতখন বোলে বৰ দীঘল,
আইনৰ সুৰুঙাও বোলে‌ তাৰবাবে বৰ সহজ..
তহঁতবোৰে মোক পাহৰি নাযাবি,
বন্ধ কৰিবি সেই আইনৰ সুৰুঙা।
বিশেষ নিবিচাৰোঁ, তহঁতৰ ভাই-ভনী হিচাপে..
বিচাৰিছোঁ কেৱল ন্যায়..
বিচাৰিছোঁ যাতে এনে ঘটনা,
নহওঁক আৰু দুনাই।
 

Post a Comment

Previous Post Next Post