পদপথৰ ভিক্ষাৰী মই-প্ৰজেছ দাস

পদপথৰ ভিক্ষাৰী মই, 
ৰ’দ আৰু বৰষুণক মোৰ জীৱন সঙ্গী কৰি
বহি ৰৈছোঁ মাথোঁ কোনো
মানৱদৰদী হৃদয়বানৰ অপেক্ষাত ৷
অপেক্ষা কৰিছোঁ মোৰ আগত পৰি থকা
আধা ভঙা থালীখন কোনো হৃদয়বানে
দিয়া সঁহাৰিলৈ !
পেটৰ জুৰণিৰ কাৰণে অপেক্ষা কৰিছোঁ
মাথোঁ অপেক্ষা কৰিছোঁ কোনো মানৱদৰদীৰ বাবে ৷
কাৰণ মই যে এটা পদপথৰ ভিক্ষাৰী !
কাৰোবাৰ সহায়ত হৃদয়ত উৎপন্ন এসাগৰ আৰ্শীবাদ,
কিন্তু ! নাভাৱিবা মোক স্বাৰ্থপৰ বুলি !
সদায় প্ৰাৰ্থনা কৰোঁ,
কাৰো যেন নহওক মোৰ দৰে গতি ৷

✍🏻প্ৰজেছ দাস

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send