ৰ'দে চুমা খোৱা বালিয়ৰী নদীৰ পাৰত- জ্যোতিমণি শইকীয়া বৰুৱা

      নিশাৰ নীৰৱতা সাবটি
     জোনটো গলিছিল ,
   পৃথিৱীখন নিশাৰ বুকুত শুই পৰিছিল ,
     নিশাৰ নীৰৱ পৃথিৱী !
   মাজনিশা নদীৰ পানীত এখিলা পাত পৰি
                    নদীক জোকাইছিল ,
   তেজাল বেলিটো উঠি অহাৰ পৰত 
     জোনটোৱে আন্ধাৰত মুখ লুকুৱাইছিল...

   বুকুত নীৰৱতা ধাৰণ কৰা নৈখনত
                    শতদলে হাঁহিছিল ,
   নৈৰ পাৰত জিলিকি উঠিছিল বালিচন্দা ,
   ৰ'দে চুমা খোৱা বালিয়ৰী নদীৰ পাৰত
         আদিম অৰণ্যখনে উচুপি উঠিছিল...

   প্ৰাচীন ৰাতিৰ তন্ময় সময়ে
         নদীৰ গৰাত ঠেকা খাইছিল ,
   হুৰহুৰাই খহি পৰিছিল প্ৰাচুৰ্যময় সময়...

  

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send