শিক্ষা গুৰু তুমি দিলা ,
অমূল্য অৱদান ।
এই প্ৰতিষ্ঠিত জীৱনত
তোমাৰ মহান জ্ঞান ,
মোৰ বাবে চিৰস্মৰণীয় ,
তুমি শিকালা অমূল্য শিক্ষাৰ বাণী
মানুহ হোৱাৰ চেতনা স্বৰূপ
শ্ৰেষ্ঠ ভগৱান বুলি
তোমাকেই জানো ।
সৎ কৰ্মত সন্মতি আৰু
অসৎ কৰ্মত বাধা দি
শিক্ষাৰ পোহৰ দিলা তুমি ।
গুৰু তুমি সকলোৰে আপোন ,
তোমাৰ সুশিক্ষাৰে শিক্ষিত সমাজ
মোৰ লক্ষ্যত গৌৰৱময়ী গুৰু ।
তোমাৰ শিক্ষা-দীক্ষাই
মোৰ অন্তৰে-অন্তৰে দি যায় ,
লালন-পালনৰ আদেশ-উপদেশ ।
সকলো কৰিম পালন ,
গুৰু তুমি নিৰ্মল পোহৰৰ
অজ্ঞতাৰ সংগী ।
জ্ঞানৰ ধ্রুৱ তৰা স্বৰূপ ,
এন্ধাৰ হেৰাই গ'লে ,
পোহৰৰ পৰা দেখুৱাই দিয়া ,
উজ্জ্বল নক্ষত্ৰৰ জ্ঞান ।
তোমাৰ চৰণত শৰণ লৈ আগবাঢ়িলো
মহান মানৱতাৰ জ্ঞান ।
এখন সুস্থ-সবল নতুন
পৃথিৱী সৃষ্টিৰ আশাত ,
সমুজ্জ্বল , নীলা আকাশৰ সৈতে চন্দ্ৰ , সূৰ্য্য আৰু বায়ুক সাক্ষী কৰি ল'লোঁ ,
সশ্ৰদ্ধ প্ৰণাম জনাই
আহৰণ কৰোঁ তোমাৰ জ্ঞান ।
এই জ্ঞানে মোক
এদিন দি যাব শ্ৰেষ্ঠ ধ্যান ,
মানৱ জ্ঞান ,
ধন্য পৰম পূজ্য
গুৰু ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ