বেলকনিত থিয় হৈ তৰাই ভাৱনাত বুৰ গৈ আছিল। তেনেতে মটৰ চাইকেলখন ৰোৱাত চকুযোৰ সেইফালে গৈয়েই আচম্বিত হৈ পৰিল ! এটাই মাথোঁ প্ৰশ্ন.. কোন সেই নাৰী?
আজি বিয়া হোৱা দুবছৰ হ'ল অথচ মানুহজনক কোনো অন্য নাৰীকে মটৰ চাইকেলখনত উঠোৱা দেখা-শুনা নাই। কোন হ'ব পাৰে! মনত জাগি উঠিল হেজাৰটা প্ৰশ্ন! ধেমালিতে মাৰ ঘৰলৈ যাম বুলি আজি কোৱা কথাষাৰ মানুহজনে বাৰু সঁচা বুলি ভাবিলে নেকি ?
ভাবি নাথাকিম নে অন্য নাৰী!
উফ্ নোৱাৰি দেই! তৰাৰ মনটোৱে মনা নাই। পিন্ধনত জিন্সপেন্ট টি-চাৰ্ট, কাণত কানফুল, কঁকাললৈ বৈ পৰা চুলি... খঙে চুলিৰ আগ পোৱা তৰা কোবাকোবিকৈ চ'ৰাঘৰ পালেগৈ। আজি চুলিত ধৰিহে যেন উলিয়াই আনিব।
চ'ৰাঘৰত সোমায়েই তৰাৰ মুখেৰে আপোনা-আপুনি ওলাই গ'ল, "হে হৰি! ব্ৰজেন হে। দীঘল চুলি কানত কাণফুলি... ছোৱালী বুলি হে ভাবিছিলোঁ।"
✍️ৰঞ্জিত শৰ্মা ৰাজ
ছিপাঝাৰ (দৰং)
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ