চিলেটৰ দিনবোৰ-অমৰেন্দ্ৰ দাস

Aditi Tanti
1
এটি পাহৰিব নোৱাৰা স্মৃতি....
 চিলেটত লিখা সোনালী দিনবোৰ
 বাৰে বাৰে লিখিছিলোঁ
 অ আ ক খ......।

       আজিও মনত পৰে
       দেউতাই বিচনীৰে বিচি
       ম'হ খেদি থকা সময়
       চোতালত পাতি পাৰি
       ক খ গ ঘ লিখা সময়...!!
    লিখি লিখি মচি দিছিলোঁ
    তোমাৰ নাম...
    অ খ ৰা 
    অক্ষৰা.....!!
   বাৰে বাৰে ভূল হৈছিল আখৰৰ পাক
   চিলেটত লিখি লিখি
    কেতিয়া যে হৃদয়ত লিখিলোঁ তোমাৰ নাম?

আজিও হুমুনিয়াহ কাঢ়ে
 অতীতৰ স্মৃতিবোৰে
এতিয়া যে বুকুত লিখা 
তোমাৰ নাম মচিবই নোৱাৰোঁ
এতিয়া কি ভাৱ হয় জানা.....?
সেই চিলেটত লিখা দিনবোৰেই ভাল আছিল
শুধৰণিৰ সুবিধাকণ মোৰ হাততেই আছিল।।

কাৰ পৰশত ফুলি গুচি গলা তুমি
মন ভাগিছাত মোক অকলে এৰি
বুকুৰ ভাষাবোৰ যে
আজিও বুকুতেই ৰ'ল 
গুপুতে গুপুতে.....!!

     

Post a Comment

1Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

  1. মোৰ ক্ষুদ্ৰ অনুভৱটিক প্ৰকাশ কৰা বাবে আন্তৰিক কৃতজ্ঞতা জ্ঞাপন কৰিলোঁ।

    ReplyDelete
Post a Comment