মোৰ হোৱা-ছাইফুদ্দিন আহমেদ

©Admin
0
লাজুকী লাজুকী খোজেৰে 
আহিছা তুমি মোৰ 
হৃদয়ৰ জেৰক্স 
নিবলৈ,
কম্পিউটাৰ 
দোকানীক কৈছা 
জেৰক্স কৰি দিবলৈ ৷
বিশ্বাস কৰা তুমি
ময়ো আছিলোঁ 
তাতে ৰৈ
তোমাৰ দুচকুৰ 
চাৱনিয়ে 
আজি আকৌ 
এবাৰ কঁপাইছে
বুকু মোৰ !
হৃদয়ৰ মহা প্ৰাচীৰ 
ভাঙি তুলিছে 
প্ৰেমৰ ঢৌ 
দ্বীপ কুঁৱৰী 
তোমাৰ নামৰ 
উপগ্ৰহই আছে 
মোৰ হৃদয়ৰেই যে
চৌদিশে প্ৰদক্ষিণ কৰি !
হাত বাউলি
তুমি আছা কিয় ,
মোক প্ৰেমৰ ৰকেট 
প্ৰক্ষেপণ কৰি ?
মোক ভালপোৱা যদি 
কোৱা খোলা-খুলিকৈ ৷
নিমাতী কইনা হৈ নাথাকিবা ৰৈ ৷

তুমি যদি মোৰ হোৱা 
এবাৰ কোৱা; মই
মহাযজ্ঞ পাতিম 
সৰগৰ বেলকনিত,
কলিজাৰ কোষ ফালি
সভ্যতাৰ মাথাউৰি ভাঙি 
দিম বনফুলৰ খোপা বান্ধি,
ৰামধেনুৰ ৰঙেৰে তোমাক সজাই
আনিম, ৰাখিম ৰাজ ৰাণী কৰি ৷
তুমি যদি মোৰ হোৱা এবাৰ কোৱা ৷
সাতোখন জগত লিখি দিম মই তোমাৰ নামত ৷
          ----ছাইফুদ্দিন আহমেদ ।

Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)