তোক ধৰি ৰাখিবলৈ
তথাপিও তই
গৈ থাকিলি
কাকো কেৰেপ
নকৰাকৈ
মাথো
গৈ থাকিলি
কপলিং চিগা
ৰেলৰ দৰে
সেই ৰেলৰ ডবাত
মোকো কিয় লৈ যাৱ ?
তই মোৰ
সোণালী শৈশৱ কাঢ়ি নিলি
তই মোৰ
ভৰা যৌৱন কাঢ়ি নিলি
তই মোৰ বহু আপোন জনক
বুকুৰ মাজৰ পৰাও লৈ গলি
খুউব চেষ্টা কৰো
তোক ধৰি ৰাখিবলৈ
তথাপিও তই
গৈ থাকিলি
কেতিয়া তই মোৰ মূৰৰ চুলিত
ৰূপালী ৰং সানি দিলি
তাক গমেই নাপালো
কেতিয়া তই মোক
প্ৰস্হানৰ দুৱাৰৰ কাষ পোৱাই দিলি
তাক গমেই নাপালো
মাথো
গৈ থাকিলি
কপলিং চিগা
ৰেলৰ দৰে
মোকো লগত লৈ
মাথো গৈ থাকিলি
ঝিগ ঝিগ টন টন
ঝিগ ঝিগ টন টন.....
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ