ইমান টকা খৰচ কৰি বিয়া পাতি কি লাভ , যদিহে নিমন্ত্ৰিত অতিথিক মাত এষাৰ দিবও ঘৰৰ মানুহৰ সময় নাথাকে , অতিথিসকলে ঘৰৰ মানুহ এজনৰ মাত এষাৰলৈ মিনিটৰ পাছত মিনিট অপেক্ষা কৰি একো নোকোৱাকৈ ঘৰলৈ উভতি যাব লগা হয় । " মানুহ এজনে আন এজন মানুহক কৰা ব্যৱহাৰতহে তেওঁৰ পৰিচয় পোৱা যায় " ।
আপোনাৰ টকা আছে, বহুত টকা খৰচ কৰি ধুম ধামেৰে বিয়াখন পাতিছে , যিমান ৰং ধেমালি কৰিব লগা আছে কৰক , যিমান দি.এছ.এল.আৰ.ত ফটো উঠিব লগা আছে উঠক , কিন্তু তাৰ লগে লগে নিমন্ত্ৰিত অতিথিসকলৰো অকণমান খবৰ লওক ।
কোনো মানুহ নিজৰ ঘৰত নোখোৱাকৈ নাথাকে । নিমন্ত্ৰিত অতিথিয়ে নিমন্ত্ৰণ ৰক্ষা কৰি বিয়া বা আদি অন্য অনুষ্ঠানলৈ আহে , আৰু সেই নিমন্ত্ৰিত অতিথিৰ সেৱা সুশ্ৰুষা কৰাতো আপোনাৰ , মোৰ , আমাৰ সকলোৰে প্ৰধান দায়িত্ব ।
" আপোনাৰ বাবে সেই পৱিত্ৰ দিনটোৰ স্মৃতিবোৰ ফটোত নহয় , মানুহৰ হৃদয়ত যাতে চিৰদিন ৰৈ যায় তাৰেই
চেষ্টা কৰক । " " নিজৰ ব্যৱহাৰেই নিজৰ পৰিচয় " । আধুনিক হওঁক কিন্তু ইমানো
আধুনিক নহ'ব যে এদিন আপুনি নিজৰ অতীতকেই পাহৰি যায় ।
" এখন বহুত ধনী ঘৰৰ মানুহে এটি ডাঙৰ অট্টালিকা সাজিছে , অট্টালিকাটোত প্ৰৱেশ কৰাৰ দিনাখন বহুত মানুহক নিমন্ত্ৰণ দিছে । মানুহ আহি আছে গৈ আছে , দামী দামী দি.এছ.এল.আৰ আনি এফালৰপৰা ফটো তুলি আছে , তাৰ মাজতেই ঘৰখনৰ মানুহে তেওঁলোকৰ আপোন মানুহবোৰক অট্টালিকাটো দেখুৱাই আছে , ইফালে নিমন্ত্ৰিত অতিথিক মাত দিবলৈয়েই পাহৰি গৈছে , তেওঁলোকে হেনো অনুষ্ঠানটিত কোন আহিছে কোন গৈছে কেমেৰাৰ ফটোবোৰতহে বিচাৰি চাব ।
আমাৰ বহুত টকা পইচা নাথাকিব পাৰে , কিন্তু বহুত ধনী ধনী মানুহৰ তুলনাত আমাৰ মনবোৰ বহুত ডাঙৰ । বহুত ধনী টকা থকা মানুহ হ'লে কি হ'ল , যদিহে আপোনাৰ মনটো ঠেক । আমি যিমানেই আধুনিক নহও কিয় সদায় আমি ইজনে আনজনৰ কথা ভাবিব লাগে ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ