কল্পনাৰ মানস পটত
ইন্দ্ৰধনুৰ ৰঙেৰে বুলাই
সময়ৰ তীব্ৰগতিত
খোজৰ স'তে খোজ মিলাই
আঁকো মই নীৰৱতাৰ ছবি।
মৃত জুৰিটিৰ পাৰত
শত ছহীদৰ তেজেৰে
হাতত লৈ সতীৰ্থৰ তুলিকা
সানি লোৱা বুকুৰ কোঁহেৰে
আঁকো মই স্মৃতিৰ ছবি।
নিৰিবিলি সন্ধিয়াৰ জোনাকত
বুটা খচা তৰাৰ বুকুত
ৰূপালী জোনৰ পোহৰত
আলোকময়ী জোনাকীৰ চকুত
আঁকো মই বিভোলৰ ছবি।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ