ব'হাগ - বিশ্বজিৎ সূত

0
ব'হাগ আহিল, কপৌ ফুলিল
লঠঙা গছবোৰত
ন-ন কুঁহিপাতে হাঁহি মাৰিলে । 
আমে মলিয়ালে, 
কঠালে মুচি পেলালে, 
কুলিৰ কু-উ, কু-উ শব্দই
সকলোকে দিলে 
বসন্ত অহাৰ বতৰা । 
ঢোল-পেঁপাৰ লহৰত
লাহৰী গগণা গুজি লৈ
টাকুৰি ঘূৰাদি ঘূৰি নাচিব
ব'হাগৰ নাচনীজনীয়ে । 
শিপিনীৰ তাঁতশালত
প্ৰাণ পাই জিলিকিছে
চানেকিৰ ফুল বচা
মৰমৰ বিহুৱান । 
মানুহৰ খৰাং মনটোত
নৱ-নৱ চিন্তাৰ উন্মেষ ঘটাই
প্ৰাণ ঢালি বিলাই দিলে
ৰঙালীৰ ৰঙীণ ৰং । 

     ⚫বিশ্বজিৎ সূত
     বালিজান, চতিয়া, বিশ্বনাথ

Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)