মাদল বজোৱা মেঘৰ
বাৰিষাৰ ব্ৰজ আন্দোল।
আকাশৰে নামি আহিল
সোঁতৰ বিপৰীতে
টোপাল-টোপাল বৰষুণ।
জীৱন নদীৰ সোঁতত
উটি যায় সময়
কাৰোবাৰ উচুপনি বহুৰাতি উজাগৰে।
বাৰিষাৰ প্ৰবল চাপ
পেটৰ ভোক লুকাই কাপোৰবোৰ নুশুকাই
ৰ'দ আজি লুকুৱাই কোনে?
বৰষুণ বুলিলেই
নহওঁ আজি ৰোমাণ্টিক
প্ৰেমৰ কথা আৰু নকওঁ যেনিবা...!
প্ৰজাই পাতে ৰজা যায়
কথাৰেও বঁটা পায়
যন্ত্ৰণাৰ পৰিধি হয় জানো এনেকুৱা?
◼️জিণ্টু চাংমাই (চামগুৰি:নগাঁও)
সুন্দৰ ।
ReplyDelete