সমস্যাবোৰ ক'ৰবাতে ৰ'ল- পাপু শইকীয়া

©Admin
1
পাহাৰ-ভৈয়ামে সাতামপুৰুষীয়া, 
জাতি - জনজাতিৰে ভৰা, 
অসমখনি আজি কিয় 
দূৰাৰোগ্য ৰোগত আক্ৰান্ত? 

নিজৰ মাজতেই আনি প্ৰভেদ, 
জাতি - জনজাতিৰ ভেদ ভেদাভেদ, 
শত্ৰুক বৰপীৰা পাৰি দিছোঁ কিয়
আজি বৰঘৰৰ মজিয়াত?

ভাষণৰ সুমধুৰ মালাগোঁঠা, 
ভুল দেখুৱাই দিলে লাগে লেঠা, 
লুটি-বাগৰ মাৰি ফুৰোঁ কিয়
স্থিৰতা হেৰাল নেকি সকলোৰে গাত?

জাতি - মাটি - ভেটি ক'ৰবাতে ৰ'ল, 
বোকা ছটিওৱাৰ খেল আজিও নগ'ল, 
বোলো সমস্যাবোৰ নোহোৱা নহয় কিয়
থাকে নেকি পৰি বগা কাগজত?

চিঞৰ বাখৰ আৰু সহস্ৰ আন্দোলন, 
কি প্ৰয়োজন আছিল শত্‌ সংগঠন, 
আমি সু-নাগৰিক নহওঁ কিয়
কৰ্মসংস্কৃতিৰে নগঢ়োঁ প্ৰভাত?

আজি এটা;কাইলৈ এটা, 
সময়বোৰ গ'ল বৃথা, 
মিছা প্ৰমাণিত হয় কিয়
মুখখনিত থকা জনপ্ৰিয়তা?

দেশখন আমাৰ, 
সমস্যা আমাৰ, 
পদবী বিচাৰি হাহাকাৰ 
সমস্যাত ক্ষমতা নিৰ্বিকাৰ 
ক'ৰবাতে পৰি ৰ'ল সমাজ সংস্কাৰ!

Post a Comment

1Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment