সেন্দুৰ- ৰজনী কুমাৰ ডেকা

তোমাৰ শিৰৰ তেজৰঙা সেন্দুৰত 

মোৰ প্ৰতিচ্ছবি উজ্জ্বলি উঠে, 

সাহস পাওঁ মই প্ৰতিটো উশাহত , 

সুখে-দুখে, বিশ্বাসৰ এনাজৰী গঢ়ে তোমাৰ সেন্দুৰত।  

প্ৰভাতিৰ ৰঙা বেলি আৰু

সন্ধিয়াৰ তুলসী তলৰ চাকিগচিৰ 

পোহৰৰ সমান্তৰাল 

সৌন্দর্যময়ী তোমাৰ শিৰৰ

সেন্দুৰৰ ৰেখাটি । 

পত্নীৰ মৰ্যাদাৰ অস্তিত্ব 

কাহানিও ক্ৰয় কৰিব পৰা নাযায়, 

এগৰাকী নাৰীয়ে মৰ্যাদা সৃষ্টি 

কৰিব পাৰে প্ৰকৃত সেন্দুৰৰ 

আবিৰেৰে । 

কি মাদকতা সেন্দুৰৰ ? 

দাপোনৰ পচাৰত নাৰীয়ে 

সেন্দুৰৰ সতে বাস্তৱ ৰচে 

গুণ গুণৰ । 

সেন্দুৰ নাৰীৰ স্বাভিমান , 

সেন্দুৰ নাৰীৰ অলেখ গুণৰ অলংকাৰ, 

সেন্দুৰ নাৰীৰ গৰিমাৰ।