নৱ আলোক-ৰজনী কুমাৰ ডেকা

কাইলৈ এটি নৱপ্ৰভাতৰ জাগৰণ হ'ব, 

আকৌ এটি সুৰুযৰ উদয়ন হ'ব, 

এটি বৃহৎ সংখ্যাই ত্ৰয়োবিংশ 

বয়সত ভৰি দিব। 

এটি এটি পৃষ্ঠাৰ উন্মোচন হ'ব, 

প্ৰকৃতিৰ  নীলা আকাশে 

তৰু-তৃণৰ সতে আদৰণি জনাব। 

শিলে-শিলে নিজৰাই হাঁহিৰ প্ৰতিধ্বনি তুলিব  , 

বিৰিখে-বিৰিখে  কোমল -

কুঁহি ওলাব, 

বিচিত্ৰ চৰাইয়ে সুৰৰ লহৰ  বিয়পাব, 

জন সমাজে আশিস বিচাৰি 

মন্দিৰ, মছজিদ আৰু গীৰ্জাৰ বাকৰিত  উপাসনা কৰিব, 

অনাগত দিনৰ প্ৰতিটো পলত

মংগল হওঁক, অনাবিল আনন্দৰ 

খোৰাক  জগাওক, সুখময় হওঁক । 

                  ◾ৰজনী কুমাৰ ডেকা

                          ৰঙিয়া  ।