জীৱন-তৃণা মণি দত্ত

চিন্ন-বিচিন্ন কৰি তুলিছে

অবুজ মনৰ ভাব ৰাশিয়ে;

মনত জাগ্ৰত হয় শংকা,

কেতিয়ানো বুজি পাব...

এই মায়াময় পৃথিৱীৰ

অপূৰ্ব লীলা।

দিন বাগৰি ক্ষণ পাব

শংকাৰ অগ্নিয়ে হৃদয়খন

দহি-দহি ছায় কৰি পেলাব

তথাপিও উপযুক্ত বিশ্লেষণক

নিৰ্ণয় কৰাত ব্যৰ্থ।

ধূসৰ যেন লগা

জীৱনৰ দৃশ্যাৱলী; 

সুখৰ পম খেদি ব্যৰ্থ নকৰিবা ,

কৰ্মত ব্ৰতী হোৱা

সজ চিন্তাৰে সময়ৰ মূল্য বুজা

শংকা মুক্ত এটি মূহুৰ্ত

ধূসৰতাৰ মাজতো এটি উজ্বল কিৰণৰ

মায়াময় পৃথিৱী খনত

জীৱন - যাপন কৰা

এটি লুং - লুঙীয়া বাট বিচাৰি পাবা,

খোজ দিবা সাৱধানে

আগবাঢ়িযাবা ধীৰে -স্থিৰে,

তেতিয়াই মুক্ত মনে হৃদয়ৰ ভাষাৰে

জীৱন-যুদ্ধৰ জয় গান জুৰিবা।