আহিনৰ সান্নিধ্যত শৰৎৰ আগমন••লখিমী শৰ্মা

পুৱাৰ দুবৰিত নিয়ৰৰ টোপাল

আহিনৰ আঁচলত ,

শাৰদী ৰাণী অহাৰ সংকেত 

চৌদিশে আমোলমোল শেৱালিৰ সুগন্ধত 

হালিছে জালিছে কহুৱা বিৰিণা ,

মৃদু মৃদুকৈ অহা বতাহজাকলৈ 

উদয় হ'ল মোৰ এক প্ৰশ্ন,

শৰৎৰ আগমনে 

কাঢ়ি নিছে মোৰ মন - প্ৰাণ ,

বতাহজাকত দশোদিশ বিয়পি পৰিছে 

শেৱালিৰ সুবাসত ,

এইয়া যেন আগজাননী

ধৰাৰ বুকুলৈ শাৰদী ৰাণী অহাৰ ,

শাৰদীয় দুৰ্গোৎসৱ অহাৰ 

আহিনে কাণে কাণে আহি কৈ গৈছে 

শৰৎৰ আগমণিৰ কথা ,

চৌপাশে মাথোঁ 

শৰৎৰ উন্মাদনা ,

মন পৰশা এক অনুভৱৰ জোৱাৰ উঠিছে 

সকলোৰে দেহৰ ৰন্ধ্ৰে ৰন্ধ্ৰে ,

শৰৎৰ আগমনত আত্মবিভোৰ হৈ 

ব্যস্ত হৈ পৰিছে সকলো 

শৰৎক আমন্ত্ৰণ জনোৱাৰ দিশে 

উপচি পৰিছে তলসৰা ,

শেৱালিজোপাৰ চাৰিওকাষ 

ডাল ভৰি ভৰি শেৱালিজোপাৰ 

সৌন্দৰ্য্যতালৈ চাই চাই ,

আপোন পাহৰা হৈ ৰোৱা 

এইয়াই আহিনৰ শৰৎ অহাৰ সমিধান  ।।।। 

📌লখিমী শৰ্মা

ঠিকনা :যোৰহাট